شباب بدو تجديد

ما بعرف من وين بدي ابدأ بالكتابة لكم والله ع قد مو الموضوع بيدايق صايرة موضة تقليد المعاقين منتشرة بين شباب وبنات هالايام يعني بيلاقو حالهم شغلة وبيلاقو متعة لا توصف ومو عارفين انو هاد شي بيعصب وحرام والله ما كان الموضوع ع بالي وما كان مأثر فيي لهي الدرجة لحد مبارح بالصدفة كان معي طفل بعرفو ع قد ما حكي وبكي بدو يدخل ع الحديقة العامة دخلتو وكان في مجموعة شباب صغار بحوالي عمر 14 او 15 عم يلعبو كرة فواحد منهم قلي وطبعا بلغة الاشارة وقال يعني هو اخرس انو لعبو بالجهة التانية نحنا عم نلعب هون فما كان مني الا اني روح وما قدرت جادلو ولا احكي معو يمكن صار في نوع من التعاطف اللاشعورية ومشيت وبعدها صار يحكي ويضحك انو انا صدقتو وكأنو كركوز لرفقاتو والموجودين يعني والله لو معي شي سلاح لخلصت عليه لانو شي بيموت وبهيك لحظات ممكن تحس حالك غبي بكل بساطة من جهة ومن جهة تانية انك متعاطف مع الحالة ومقدرها يعني ما رح تعرف تتصرف ......

والله هالشي لازمو حل من جذوره ..... مو معقول التخلف النفسي اللي عند بعض شباب هالايام والعجز التفكيري اللي وصلوله بشكل غير طبيعي وغي مشروع وما في داعي له من الاساس............

اسفة يمكن اطلت الحكي بس اكيد الموضوع مهم ع القليلة بالنسبة للي بيحسو بغيرهم وبيعرفو مرحلة الشباب ضرورية لتقيد الشخصية بضوابط وروابط اجتماعية صحية وانسانية واجتماعية ...