القال والقيل شوف حكي النسوان يا ساتر يا رب

النساء تحفة فنية في الكلام وروعة بدون منافس ولكن نصيحة توجهها لجميع المستمعين اذا كنتم تريدون الحياة السليمة والعمر المديد احذر ان تدخل بين جمعة نسوان الحارات وتسمع الكلام الذي ينطلق على السنتهم ..فماذا يقول نساء الحارات

القال والقيل وشوف حكى النسوان ياساتر يارب...

*******

ام جميل:مين هالبنت الي ماشية؟..

****

ام رافت:هادي بنت ام رزق والله بنت مؤدبة بس بقوله عنها مصاحبة ابن ام عزو

****

ام جميل:ابن ام عزومصاحب بنت ام رزق

****

ام رافت:يييي وانت مش دارية مش بحبو بعض الهم5 سنين

****

ام جميل:ااه وسمعت انو ام رزق بدهاش ابن ام عزو

****

ام رافت:والله منا عارفة يختي هو بتلاقي ام رزق احسنمن ابن ام عزو

****

ام جميل:يي يي اسكتي وتخلنيش احكي ...خلي الناس بحالهم يختي

****

ام رافت:يختي احكي.. ولك احكي يا ام جميل

****

ام جميل :مهو هادا ابنها لام عزو بحب صبية تانية بنت ام ثروت

****

ام رافت:يي ييي يي علينا وامه داريه بالموضوع

****

ام جميل :امه بالمستشفى مش جلطها من خراريفو

****

ام رافت :والله يختي يا ام جميل بنت ام ثروت هادي مشيها ولا بد

****

ام جميل:بعرف بعرفيا ام رافت والله منا عارفة ليش بخلفو وبرمو

****

ام رافت:يا لطيف ومين هادي الي ماشية بالشارع

****

ام جميل :يسعد يومها هادي بنت ام محمود

****

ام رافت :الامانة بالله بنت مؤدبة ومحترمه بس تمها اجكم

****

ام جميل:تمها اجكم ..وبقول مالها ام حسن ما وافقت ابنها حسن يخطبها

****

ام رافت:دشرك من حسن وسيرتو هادا فاضي ومش لاقي حدا يادبو

****

ام جميل:ليش يا ام رافت مالو مقصوف هالعمر

****

ام رافت:هادا داير ورا بنتي الو سنتين واحنا مش موفقين عليه

****

ام جميل:اوعي اوعي بنتك بتستاهل ثقلها ذهب

****

ام رافت:بدك تقوليلي عن بنتي يا ام جميل

****

ام جميل:والله يختي يا ام رافت لبنتي انا بتقدملها بالشهرين 45 عريس اش دكتور واش جراح واش مهندس بس البنت لسا صغيرة سع ما قطعتش ال28

****

ام رافت:يييييي تقوليش عن بنتك ..بنتك ملاك بنتك يا ريت تبقى وحدة متل اخلاقها بنتك تقلها دهب (وطبعا بينها وبين حالها ام رافت بتقول تقلها بصل مقشر مش دهب وماس)