محسوبك حلبي

محسوبك حلبي

محسوبك أصـلو حلبي ..... وربيـــان بحارة قديمـة

حارتنــا حجـارة دهبي ..... وبيوتـا عربيــة صميمة

ومهمــا وصفتـلك هيــّه

وصفي واحد على ميه

شفت الوردةالجـــورية ..... هاالوردة أصلى حلبي

* * * *

تفضل وعميـل زيـارة ..... وتمشي من حارةلحارة

سآل التــــــاريخ بقلك ..... الشهبا أقــــدم حضـارة

أثــارا عليهـا بتــّدل

أسوارا ماشافت ذل

ياشـــهبا ياست الكل ..... الفسـتق أصـلـــو حلبي

ومحسوبك أصلو حلبي

وربيــــان بحارة قديمـة

* * * *

الشــــهبا متلى مافي ..... وهواها بلــــسم شافي

منعندا الشمس بتطلع ..... ع تلالى البـدر بوافي

ونجماتا كتيـــر اسـتنوا

الحلبيـة حتـى يغنـّـــوا

وكتير كتيــر بيتمنوا ..... لو سمعوا القد الحلبي

ومحسوبك أصلو حلبـي

وربيـــــان بحارة قديمـة

_____________

قلعة حلب

مين ال بنــاكي ..... وصفصف حجارك
مين ال علاكي ..... ولفلـف زنــــــارك
حيـــــرني أمـرك
عم بحسب عمرك
وبقـول لحــــــالي
ترابك هل الغــالي
من وين انجلـب ..... ياقلعــــة حلـب


* * * *

ال صفّوا دراجك .... تسلم أيـــدهن
وال علّوا براجك .... يرحـم عنيهن
حلـوة يا قلعـة
يـافن وصنعـة
براتـك روعـة .... وجوّاتـك عجب
حيـــــرني أمـرك
عم بحسب عمرك
وبقـول لحــــــالي
ترابك هل الغــالي
من وين انجلـب ..... ياقلعــــة حلـب


* * * *

كل حجرة فيكي .... عم تحكي حكاية
والعـز محليــكي .... ودوم مضوايـة
يــــاأحلى غرّة
ع جبـين الحرّة
يـــــاأغلى درّة ...... يا قلعــــة حلـب
حـــــيرني أمـرك
عم بحسب عمرك
وبقـول لحــــــالي
ترابك هل الغــالي
من وين انجلـب ..... ياقلعــــة حلـب

كلمات / صفـوح شـغالة