تخيلو لو مديرنا الغالي الأستاذ زهير كان عصبي...
السلام عليكم و رحمة الله...
لقد تغيرت شروط التسجيل في المنتدى ....
وتم تغيير مسمى المنتدى ليصبح منتدى الحرب الباردة سوفت..
اعرفوا الشروط منيح....وافهموها....
واللي ما بده هالشروط الله يجعل اصابعه اللي ضغطت على الكيبورد
تنكسر...
ولو ما عجبه يخبط راسه باقرب حيط....
نحن ما عم نلعب....واللي بده أهلا وسهلا....فهمتوا.
بما انو هذا الموقع موقعي لحالي
الله لا يبارك فيكم ولافي الساعة اللي فتحت لكم هالموقع....
فاللي بده يسجل معنا يوافق على الشروط من وغصب عنه....
والشروط هي...
وبنروح ونمسح فيه باقرب ارض...
عم قلكم نحنا ما عم نلعب
2-اللي بيخربط بالدين ولا بالسياسه....هذا عذابه عذاب.
بخليه يتخيل انه قرد ولا عمره ذاق موز....
و بحجزله على اقرب رحله على طياره ترش الجراد
وارميه فيه على ارتفاع 50000 الف قدم
وارميه به على نخله..
عم قلكم نحنا ماعم نلعب..
3- انتم اعضاء تكتبون بس...
.ولااحد فيكم يعمل لي فيها مراقب ما بدي مراقبين.....
فهمتوا ولا افهمكم...
4- مسموح الجدل و الجدل فعل مضارع جمع تكسير مضارع
بسيط...فهمتوا...صح ولا مو صح...قولوا صح لابارك الله بالساعه اللي جمعت هذاالاشكال
فيها...واللي بيزعل من الجدل بنخربط وجهه
ونخليه يطلع في المرايه ويطلع الاخطاء التسعه
عشر....ايه تسعطعش...ساحتنا ونحن حرين فيها
5- اللي بيسجل باسماء قبايل وعوايل...ولا مخله بالادب....
هذا بنوديه لا اقرب شيخ
وبعدين بناخذه لأقرب بلوعة...وبنغطسه وبنطلعه...ونغطسه ونطلعه حتى مايقول....
اشهد ان ادوسه بسياره... عم قلكم ما عم نلعب...
6- قريتوا الشروط........ عجبتكم....فهمتوها..
.طيب ما عندنا تسجيل هالايام....واللي بده يسجل
معنا يرسل لي ايميل على تلفوني اللي ماني ذاكره لكم
...لان الدعوه عناد...واللي براسه حبه ما
انطحنت....انا ابطحنها له....واذا فيه خير يقابلني فين ما بده....
ملاحظه......
اللي بنكتشف انه رجال بشنب ويكتب باسماء بنات...
ولا بنات تكتب باسماء رجالية والله لساوي من جسمهم كلمات متقاطعه يصعب حلها....
موافق.................
غير موافق...............
واللي فيه خير يكتب غير موافق.......
مشكور أستاذ زهير على مشاركتك وتواضعك..
وتقبلك كلشي بروح رياضية..
وهلئ رح نحذف العضو همسة حب
لا تصدقوا عم أمزح
شكراً لك أخت همسة على اللفتة الكريمة منك
والحمد لله ماني عصبي لهذه الدرجة بالعكس بالي طويل
وبخصوص شروط التسجيل يمكن الاعضاء القدامي هنا بالمنتدى
بيتذكروا منيح إنه كان التسجيل بالسنة الاولى دون أي شروط حتى بأحد الفترات
كان بيقدر اي زائر يكتب ويعلق دون تشجيل كمان
لكن فيما بعد اضطريت لوضع بعض الشروط مثل تأكيد الإيميل والسؤال والرمز العشوائي
بسبب هجمات السبام وكتابة مشاركات تلقائية سيئة حتى نمنعها وإلا بالعكس أنا أحب ما على قلبي
أن أيسر الدخول والمشاركة قدر الإمكان لزوارنا الكرام حتى نكسبهم ما نهربهم
وشكراً لجميع من مر وعلق على الموضوع
والسلام عليكم
مثل ما قال محمد نور
منعمل انقلاب عسكري وبنعينك رئيسة للفترة الانتقالية
ايه والله عيد بده فلقة قوية قوية.
..
.
.
وعنجد الحمدلله انو الأستاذ زهير انسان رايق كتير؟؟
وبيتحمل الكل...
وإلا كنا هربنا من النت كله..
مشكورين عالمشاركة الحلوة..
منتظرين مشاركة الأستاذ زهير لنشوف شو رأيه..
نسيتي شرط...
اللي بيكتب قصص طويلة وبالأخير بتطلع مقلب مثل السيد عيد...
بدو فلق قوي...
على كل حال الحمد لله أنو مو هيك الأستاذ زهير كنا هربنا من زمان...
مشكوورة.
تخيلت وطلع معي منعمل أنقلاب
مشكورة هموسا على الموضوع
اي تخيلنا وبعدين شو .....
مع تحياتي.......