بذر التفاح

بــذر تـفـّـاح

واحد شاف رفيقه عم ياكل بذر تفاح من كيس صغير حامله بإيده ،

قال له : شو عم تاكل ؟

قال له : بذر تـفـاح

قال له : معقول عم تاكل بذر تفاح ؟ حدا بياكل بذر تفاح ؟

قال له رفيقه : بذر التفاح مليئ بالفوائد وهو منشط ومقوي للذاكرة ويرفع مستوى الذكاء

رد عليه : طيب طعميني أكم حبة ؟

قال له صاحبه : لأ .. إذا بدك ببيعك عشر بذرات بمئة ليرة

رد عليه : يا لطيف شو هالغلا .. بس مع هيك هذه مئة ليرة وأعطيني عشر بذرات

أكل أول بذرة وما استلذ فيها ، أكل الثانية وسكت شوي وبعدين صرخ بوجه رفيقه

لك العمى شو إني اجدب ، كيف بتعمل فيي هيك ؟

كيف بشتري عشر بذرات بمئة ليرة ، كان فيي اشتري عشرين كيلو تفاح بمئة ليرة

وبشيل منهن الف بذرة

قال له رفيقه : شفت كيف ؟ هاي من ثاني بذرة صرت ذكي

كيف لما تخـلـّص العـشـر بذرات !!