كَـم شريحـه لديـكَ ..؟

شريحه الحب والاخلاص

يعني مثل اسم الشريحة يدل على انها شريحة فيها نوع من الحب والأخلاص والوفا الي نادر

ما تشوف احد معاه شريحة مثل هاذي... ويوفي بحبه ومعزته للحبيب الي يكلمه

او لصديق او لأهله أو لأي احد يتكلم معاه .. يعني بأختصار صاحب

الشريحة ينحط على الجرح ويبرى .. للصديق والعزيز والقريب ..

يعني زي ما انتم شايفين فيه بعض من الشباب والبنات عندهم ها الشريحة ..

يعني لو يتصل احد على صاحب ها الشريحة ولو كان 100 الف رقم اتصل عليه

يعرف انه الأتصال من اهله مليون في المية .. فاعاد تعال شوف الي ما يبغى

يرد ولي يبغى يسحب عليهم لأنه عارف انه من اهله او اقاربه فا الأخ أو الأخت

مو ناقصين وجع راس .. وهات وتعال.. وودينا السوق .. وليش تأخرت.. ويالله ارجع البيت ..

تعال البيت ابوك متحلف لك..

يعني الشريحة هاذي الكلام فيها نقطة في بحر .. الخيانة .. اسميها عندي

ألم الدنيا اذا كان صاحب/ة الشريحة هاذا يكلم حبيب له ولما يقفل الخط على

طول مكالمة مع شخص ثاني ونفس الكلام الي ينقال لك ينقال له فا والله شي

ما تقدر توصفه هل هو استحقار فيك..؟ هل هو مهزلة فيك .؟؟ ام هل هي مجرد خيانة..؟؟

يعني من اسم الشريحة شريحة الكذب أصحاب الشريحة هاذي تحصل في

كلامهم لك او مجاملتهم لك كذب في كذب كا مثل يقولك انا فلان بن فلان

وهاذي رقم شريحتي وهو لا كذا وكذا كله كذب عشان يوصل لمراده بأي شكل كان ..

وخذلك كمان شريحة الكذب هاذي زي مثلاا صاحب الشريحة كل

كلامه كذب في كذب سواء مع صاحبه او حبيب له او اهله او اقاربه

بذات هاذي عدد ولا حرج .. يعني اصحاب ها الشريحة يكلمك ويعطيك

من الكلام المعسول الي يووه ماعمرك شفت زي الكلام هاذا وبالأخير مصلحة

وبعد ما ياخذ المصلحة يعطيك مشغول ويقفل الجوال ولاا يرد وهاذا واقعنا ماحد

يبغاك الا عشان مصلحة وبس والقليل الي تشوفه بصدق معاك من غير اي مصالح ولا مايحزنون

يعني اصحاب ها الشرايح معروفين من اسم الشريحة وتقريبا الشريحة هاذي

الي يستخدمها اكثرهم الشباب طبعا الواحد يطلع ها الشريحة بس عشان يتعرف

على البنات والعكس كمان البنات يتعرفوا على الشباب واسألو المجربين ..

يعني صاحب الشريحة مطمن ايش ما صار في الشريحة ماهمه يعني لا راحت ولا جات

...تيتتي زي ما رحتي زي ما جيتي يعني الأدمي أو الأدمية يبغو

يتعرفوا فا مسك السماعة ولي امره او ولي امرها ما رح يهمه...

وهاذا الي نشوفه في ايامنا وخلينا نكون صرحين مع بعض

يعني اسم الشريحة هاذي تحفة كل صاحب الشريحة هاذي يعرف كيف

يصرف نفسه يعني واحد او واحدة معاهم ها الشريحة وفرضا شافه صاحبه في سوق

او اي مكان .. كيفك اخبارك .. ووالخ .. اعطيني رقمك عشان اتصل عليك ويكون

بينا اتصال.( ايه شي اكيد تفضل رقمي)..فا طبعا صاحب الشريحة مطلع ها الشريحة

علشان ها الامور بذات التصريف .. ويعطيه رقم الشريحة ويروح هاذا

وهاذاك وفجئة يتصل ويلاقاه ( الرقم المطلوب غير موجود بالخدمة مؤقتا)

او مقفل او أنه يرد عليه ولكن بطريقة كذا يعرف كيف يصرف نفسه بأي شكل كان