سؤال صريح لكل شاب بالمنتدى وبالاخص يلي من داريا
السلام عليكم ورحمة الله وبركاته....
انا بعرف انو هالمنتدى فيه شباب كتير من داريا.. وسؤالي الكم.. (مع احترامي للباقيين)... . وبتمنى من الكل الرد... بصراحة وبدون خجل...
... العادة البشعة عنا .. انو شبابنا لما يدرسو ويتثقفوا اغلبهم بيفكروا يرتبطو ببنت من الشام او من غير منطقة وبينسو بنت بلدهم ...
مع انو في كتير بنات عنا مثقفات وجميلات ومحترمات ومن عيل محترمة... بس انتو مابتفكروا ببنت بلدكم ليش؟؟؟؟؟؟؟؟؟؟؟
وبيركضو ورا الشامية؟؟؟؟؟؟؟؟؟؟(مع احترامي لكل الشوام) (بس بنت بلدكم احق فيكم...)
وبتتركوا بنت البلد تضطر تاخد انسان مو مثقف... او من غير منطقة !!!طب ليش؟؟؟؟
او مثلا بيركض الشب ورا عيل معينة وبس...إما مشان المادة (ابوها كتير معه مصاري_او هي ورثت ورثة مرتبة- )
او بنت فلان يلي معروف كتير بالبلد- او ....-او........ وانتو بتعرفو الباقي......
طيب وبنات العيل البقيانة شو تعمل؟؟؟:wli:
ممكن كل واحد يفوت ويقرا....يقلي بصراحة كيف بيفكر؟؟؟
وهل صحيح حكيي ولا لآ ؟؟؟
وبنت بلدنا شولازم تعمل بهالوضع؟؟؟ يعني حتى تتذكرونا وتفكروا فينا نحنا بنات بلدكم...؟؟؟؟؟
(وطبعا قصدي ببنت البلد يعني بنت داريا)..
مع تنويه بسيط انا كلامي جدي وصريح ... ياريت من الكل انو ماحدا يتمسخر ويلي ماعجبه حكيي لا يعلق رجاء...
مع احترامي للكل .......وشكرا الكم ,, وبالاخص المشرفين المذوقين....
بس مو كل العالم متل ما عم تحكي هلق أنا أبي شامي وامي من داريا (نقلبت الحكاية)
بس كمان عادات أهل داريا من كل الجوانب ألها سبب (طبعا مو الكل)
وشكرا على هل موضوع الرائع
بس مو كل العالم متل ما عم تحكي هلق أنا أبي شامي وامي من داريا (نقلبت الحكاية)
بس كمان عادات أهل داريا من كل الجوانب ألها سبب (طبعا مو الكل)
وشكرا على هل موضوع الرائع
مرحبااا
هلا صراحة انا مشاركاتي بالمنتدى كتييير قليلة حتى معدومة بس دائما بتابع كل المواضيع و الموضوع كتير حبيتو وحسيت انو لازم شارك في ..
هلا اتا كمان بنت من داريا ومتعلمة وعم اشتغل وكتييير بتمنى اني ارتبط بشب من برات داريا بئا القصة مو قصة شباب وبس كمان البنات عنا بحبو يرتبطو باشخاص من برات جو داريا مو بشي بس حتى لو انتي اخدتي شب متعلم وواعي بدك تضلي حاطة ببالك بيت حماكي والقرايبين وبالنهاية كل شي قسمة ونصيب .
وشكرا مرة تانية ع الموضوع ..
ولكن أأيد أخي سعيد
القلب ومايريد
ولااعرف كيف جائت على القافية:taksheer:
نراكم بألف خير من جديد
السلام عليكم
عنا كذا شب بالعيلة بعمر الزواج و بصراحة ما عم نلاقي بنت مناسبة من داريا
يعني مو دفاعا عن الشباب بس لما بيكون في وحدة مناسبة ما بيخلصو اهلها طلبات
و بعدين عنا عادات بداريا ما بتساعد الشب يلي تعلم و شاف الدنيا انو يرتبط ببنت من هون
يعني عنا لهلء الناس ما بترغب تعلم البنت ( كمثال )