دخيل الله

ابـد.. مآجآ على بآلي .. تعآملني بدون شعور
تحسب اني على كيفك تبعثرني ...وتجمعني

إذآ انك صدق مآتقدر وكنت بهآلجفآ مجبور
امآنه .. لاتعودني وصآلك .. ثم تقطعني

وإذآ اني صرت شي عآدي ومآلي في حيآتك دور
انآ اترجآك علمني وكفآيه ليه تخدعني

صحيح الآ معي جمله تلف بخآطري وتدور
وربي ودي انطقهآ وقلبي مآيطآوعني

وعشآن ارتآح بتكلم كذآ لا احم .. لا دستور
تجي سمحه .. تجي عوجآ ..على اللّه يآملوعني

إذآ حصلت لك غيري وصرت بدنيتك محشور
تبي الفرقآ .. ولا ودك توآجهني وتوجعني

دخيل اللّه . دخيل الحب دخيلك اكشف المستور
وقول ابعد عن دروبي ولا هو شرط تقنعني

وانآ اوعدك .. مآيبقى بظلآمك من شعآعي نور
ابرحل عن سمآك ..ولا ابي حتى .. تودعني

وبكتب فوق قلبي مآت هآلطيب وهو مغدور
وسآعتھآ كنوز الآرض واللّه .. مآترجعني

انآ مآبي حيآتي ذل ..ولابي موتـتي مقهور
ولالي غير عزة نفس ..و وقت الجد تنفعني

ويكفيني رضآ ربي علي من الخطآ والزور
ويكفيني غلآ نآسً برمش العين .. ترفعني

ويكفيني بريق اسمي وتصفيقه من الجمهور
ودعوة ام كل مآجيتھآ قآمت تدلعني