الزواج نجاحه و فشله ....دعوة للنقاش
يسعد صباحكم/مساكم
يقول البعض إن الزواج التقليدي وعدم معرفة الزوجين ببعضهما قبل الزواج،
ربما لا يشجع الزوج والزوجة على تبادل المشاعر والمصارحة العاطفية،
حيث يكون الزواج شبه وظيفة رسمية،
تعتقد الزوجة أن دورها في هذه العلاقة هو الإنجاب ورعاية الأولاد ورعاية المنزل،
ولا تهتم كثيراً بالعواطف،
حيث لا تعرف الرجل الذي أصبحت شريكة حياته،
وكثير من الرجال أيضاً، يعتقد بأن الأمر كذلك فهذه وظيفة الزوجة
وهو وظيفته أن يتولى أعباء الانفاق ورعاية الأسرة بصورة تقليدية.
قد يكون ذلك صحيحاً، ولكن ليس بالضرورة أن يكون الأمر كذلك،
فقد تنسجم الزوجة مع الزوج الذي لا تعرفه وتحبه، وكذلك الأمر بالنسبة للرجل.
دعونا نناقش هذه المشكلة
وأتمنى الصـــــراحه التامه في الــــرد .... بدون قيووود ولا حواجز ....
ماهي نظرتك للزواج التقليدي ...؟؟
يعني هل ينجح في ظل انفتاحنا على العالم ..؟؟؟
هل ممكن ان نرتبط بأشخاص لمجرد أنهم يملكون ماده ؟؟
أو تعليم ؟؟ أو مستوى اجتماعي ؟؟
هل الزواج التقليدي.... اختيار ذاتي بالنسبه لنا كجيل الشباب ؟؟
أم أنه اختيار قهري تحكمه العادات والتقاليد ؟؟
هل فترة الخطوبه المزعومه ... ستظهر مدى التوافق بين الطرفين ؟؟؟
ومالنتيجه المحتمله عند وقوع التنافر الفكري بعد الزواج والتنافر العاطفي وعدم الانسجام بين الشريكين؟؟؟
هل السبب ... العادات والتقاليد والعرف ؟؟
أم السبب النظره الدونيه من الشاب اللذي يرفض أن يقترن بفتاة عرفها قبل الزواج؟؟؟
ويفضل اختيار أهله فتاة أخرى يجهل ماضيها ؟؟؟
هل تقبل الفتاة الزواج من شخص تجهله .....فقط لأنه إبن ناس ...ولأنه أعجب أهلها..؟؟؟
هل تقبل به حتى لو أنه لم يعجبها.. وولم يحصل توافق بينهما... فقط لإرضاء أهلها؟؟
وهل يقبل الشب بفتاة لم تعجبه ..وولم يحصل توافق بينهما... فقط لإرضاء أهله؟؟
و السؤال التالي كنت بتمنى ما اطرحوا بس للأسف من الواقع
هل تقبلين أن تكوني جاريه لرجل ... لم يجمعكم سوى علاقه جسديه ... وابتعاد روحاني ؟؟؟
و أحيانا للأسف بكون العكس!!
اتفضلون ان تلتقو شريك العمر في طريق الحب الوردي
"بغض النظر عن المفاجآت التي تنتظركم آخر الطريق".......؟؟؟
او ربما الزواج العقلاني او التقليدي الذي يتم بترتيب من الاهل... ؟؟؟
هل الحب هو شرط للزواج الناجح؟
الا يمكن ان تنجح مؤسسة الزواج اذا ما قامت على حسابات اخرى
الحب ليس شرطا فيها؟
و ما الحلول والإقترحات الممكنة لحل هذه المشاكل
دمتم بخير
بس في هاد السؤال هل المقصود فيه فترة الخطبة مقارنة بفترة (( الحب الوردي ))
بتوقع هيك القصد
بتمنى الإجابة من الأخ جلال
مشكور أخ جلال على الموضوع الرائع
بارك الله بك
أنا مع الزواج التقليدي وضدو بنفس الوقت
هو أكيد رح ينجح اذا كان الشب شرقي أصلي لأنو متل ما بنعرف انو الشب مابيتجوز البنت يلي كانت الجير فرند تبعوا
والله هي على حسب نفسية الخاطب والمخطوبة وحسب الأماني والرغبات يلي ببالن
لا هالأيامات ماعاد في شي غصب كلو بيكون برضا وموافقة الطرفين
يمكن لأنو رح تكون هي التجربة كلها رومانس وحب وغرام وما رح يكونو ببيت واحد يجمع همومن ومشاكلن ويشوفو اذا بيقدروا يشقوا طريقن بها الحياة
الله أعلم :taksheer:
بس يا الطلااق يا أما متل ما قال أخي كتاكيتو أنو أحد الطريفين يتنازل
أنا برأي انو العلاقة الزوجية لتنجح لازم يكون فيها كتير تضحيات من كلا الطرفين
هلأ الاتنين الن علاقة يعني أكيد العادات والتقاليد ما بتسمح لشب يخطب وحدة كان الو علاقة معها
هلأ هي أكيد رح تكون شايفتو وشايفها من قبل بعلم الأهل لأنو هيك العادة
بعدين بتقرر يا بدها يا أو لأ
وكمان أكيد أهلا ما رح يختارولا الا الخير
متل حالة البنت
هلأ جارية وعبدة هل الكلمات انتهت من زمن تيتة الله يرحمها أكيد هلأ بعد الأنفتاح والعلم مافي هيك شي وأكيد ماحدا بيقبل
يكون هيك
من جهتي لا بدي زواج تقليدي لأنو هيك بيكون في اشيا جديدة بحياة الواحد يعني بيتعرف على شخص جديد وعادات جديدة أما الحب الوردي فهنن بيكونو قطعوا كتير مراحل حلوة راحت عليهن
شي أكيد ومافي شي بيعمر بهي الدنيا إلا بالحب
انو يكون في بين الطرفين حب وتنازلات متل ماذكرت ويرضو بقسمة رب العالمين
مشكور أخي موضوع غاية بالأهمية سلمت يداك
مشكور عمي جلال على الموضوع
بس أنا حابب افهم شغلة ليش نظرتنا للزواج التقليدي
نظرة سيئة ودونية وانو لازم تكون البنت بي الزواج التقليدي مو متعلمة ومو حلوة وما بتفهم وغبية
وشغلتها طبخ ونفخ وتجيب ولاد بس
دائما نوجه هذه الاصابع الى الزواج التقليدي
لكن الزواج التقليدي رائع واذا نظرنا لأهلنا وأجدادنا لرأيناهم قد تجوزوا بما نقوله نحنوا زواج تقليدي
ولربما سميى تقليدي لأننا قد ورثناه من أجدادنا فهل هذا ارث عديم الفائدة لربما تدخل الغرب بهذه الأمور
وأقنعنى بهذه القصص السيئة مثل ما دخل اغلب الامور في عقولنا أسف على الاطالة وانا لا انتقد صاحب الموضوع لكن انتقد المجتمع بشكل عام الذي يدور في رأسه فكرت الزواج التقليدي
زواج في غاية الروعة وسوف ازوج اولادي عليه
حسب الأصول والأسلام والدين
نعم بأذن الله فا كلا الزوجين لديه عقل ويواكب التطور
لا أعتقد لكن الغالبية أصبحوا هكذا
بي النسبة لي اختيار ذاتي
لا أعتقد هذا لكن يستطيع الشب فهم خطيبته بشكل سطحي وليس بتعمق
والخطيبة نفس الشئ لأنهم سوف يكونون في أحلى حلة من الرومانس والعاطفة
وسوف تظهر الامور بعد الزواج لأنهم سوف يتشاركون الضغوطات والمشاكل سوية
اما الطلاق او التنازل لأحد الطرفين
لا ننسى انه التنافر بهارات الحياة الزوجية
ما فهمت سبب شو سبب المشكل؟؟ اذا سبب المشاكل
المشاكل موجودة بين أمعاء لأنسان يعني ما بظن في علاقة زوجية ما بتمر بي المشاكل
وليس له علاقة اي سبب أخر
بظن البنت بتثق برأي أهلها وأكيد مارح يختاروا شخص مو منيح طبعا ً هاد عند معظم الاهل الا ما ندر
مو الكل فهناك من يقبل وهناك من لايقبل
بس دائما الراي للشب
لا أعتقد توجد عقول تقبل بهذا الشئ
الحمد لله التقيت بحبي الوردي عن طريق الزواج التقليدي وبجميع ترتيب المسميات الواردة
المهم التقيتوا ومشي الحال وصار جزء من روحي
ما بظن تنجح اية مؤسسة بي الدنيا كلها اذا لم يكن هناك عنصر المحبة بين سواء موظفينها او عملائها
فما بالك بي مؤسسة زوجية يوجد بها شخصين سيكون بينهما اطفال فهل سوف ياتي الاطفال بدون المحبة
وهل سوف يربون على بغضاء بين الاهل لا أظن هذا
الحب اساس كل شئ بهذه الدنيا
أنا برأي انو كل شخص تزوج ان ينظر الى زوجته نظرة القدر والنصيب المكتوب عليه من الله سبحانه وتعالى
وانا ارى نفس الشئ بي النسبة للزوجة فهو قدرها ونصيبها
واذا ارادوا تغير هذا القدر فا الطلاق انسب الحلول لهما
مشكور جلالوا موضوع حلو كتير
السلام عليكم
ما بعرف ليش حاسة رح نقول مبارك زواجك لأحد أعضاء المنتدى
بالنسبة للأسئلة مكترهم شوي بس يلا بيعين الله
ماهي نظرتك للزواج التقليدي ...؟؟
ما بقي شي اسمو زواج تقليدي بالمفهوم القديم
يعني هلء صاير الشب يقول لأمو روحي شوفيلي فلانة
ما بقت الأم تعمل حملة البحث عن العروس
يعني هل ينجح في ظل انفتاحنا على العالم ..؟؟؟
الزواج متطلباتو أكتر من حبها و حبتو بقى أكيد في كتير أمور لازم يراعيها الخاطب
هل ممكن ان نرتبط بأشخاص لمجرد أنهم يملكون ماده ؟؟
أو تعليم ؟؟ أو مستوى اجتماعي ؟؟
هاد المقصود أنو مو شغلة وحدة
يعني القصة مو لانو جامعي بدو جامعية أو هيك القصة أكتر من هيك
بدو يكون في نوع من التوافق بكتير مجالات
هل الزواج التقليدي.... اختيار ذاتي بالنسبه لنا كجيل الشباب ؟؟
أم أنه اختيار قهري تحكمه العادات والتقاليد ؟؟
كل حدا بيختار الشي يلي بيناسبو
هل فترة الخطوبه المزعومه ... ستظهر مدى التوافق بين الطرفين ؟؟؟
بتظهر كتير
ومالنتيجه المحتمله عند وقوع التنافر الفكري بعد الزواج والتنافر العاطفي وعدم الانسجام بين الشريكين؟؟؟
بالزواج التقليدي تدخل الأهل
هل السبب ... العادات والتقاليد والعرف ؟؟
أم السبب النظره الدونيه من الشاب اللذي يرفض أن يقترن بفتاة عرفها قبل الزواج؟؟؟
ويفضل اختيار أهله فتاة أخرى يجهل ماضيها ؟؟؟
منترك الجواب للشباب
هل تقبل الفتاة الزواج من شخص تجهله .....فقط لأنه إبن ناس ...ولأنه أعجب أهلها..؟؟؟
هل تقبل به حتى لو أنه لم يعجبها.. وولم يحصل توافق بينهما... فقط لإرضاء أهلها؟؟
و الله يا أخي لما بيكون الله مقدر
ما بيهم رأي حدا ما بتلاقي غير الأمور تيسرت
وهل يقبل الشب بفتاة لم تعجبه ..وولم يحصل توافق بينهما... فقط لإرضاء أهله؟؟
هي لا
و السؤال التالي كنت بتمنى ما اطرحوا بس للأسف من الواقع
هل تقبلين أن تكوني جاريه لرجل ... لم يجمعكم سوى علاقه جسديه ... وابتعاد روحاني ؟؟؟
و أحيانا للأسف بكون العكس!!
لا
اتفضلون ان تلتقو شريك العمر في طريق الحب الوردي
"بغض النظر عن المفاجآت التي تنتظركم آخر الطريق".......؟؟؟
او ربما الزواج العقلاني او التقليدي الذي يتم بترتيب من الاهل... ؟؟؟
شو هي هيك الحب الوردي و مدري شو
بيحبو بعض بالخطبة
هل الحب هو شرط للزواج الناجح؟
الا يمكن ان تنجح مؤسسة الزواج اذا ما قامت على حسابات اخرى
الحب ليس شرطا فيها؟
يعني ما بعرف ليش رابط القصة انو اذا زواج تقليدي ما في حب
مين قال هيك
أكيد لازم يكون في حب بس قبل
" و جعلنا بينكم مودة و رحمة "
و ما الحلول والإقترحات الممكنة لحل هذه المشاكل
دمتم بخير
ايا مشكلة بالضبط
الزواج التقليدي مو ملاقيتو مشكلة
مشكور موضوع مهم كتير
