و الله حلوييييييييييين
في واحد سأل التاني شو اسمك؟
قاله: أ..أ..أ..أ..أح..أح..أحمد.
قله: شو بتأتئ؟
قله: لا والله، بس بابا بيتأتى وموظف النفوس حمار
----------------------------------------------------------------------------------------------------------------
مراهق حمصي، طالع من البيت قاله أبوه لوين رايح؟
قاله ما دخلك، أنا رجل مستقل وبروح لوين ما بدي بلا ما آخد إذن حدا.
نزل وقّف تكسي وركب
قاله التكسي لوين معلم؟
قاله: إذا أبي ما خبرته لوين رايح لح قلك إلك؟
-------------------------------------------------------------------------------------------------------------------------
دكتور بمستشفى المجانين فات شاف المجانين متعربشين بالشقف وكل واحد عم يقول أنا لمبة.. أنا لمبة..
وبالزاوية لقى واحد من المجانين قاعد وعم يقرا.
قال له الدكتور: انت شكلك أعقل من غيرك.ليش ما عم تنزل رفقاتك من عالسقف؟
قاله: شو جنيت بدك ياني اقرا بالعتمة؟
-----------------------------------------------------------------------------------------------------------------------------------------
إجا جندي محشش لعند الضابط: سيدي بدي آخد إجازة لأنه جدي عم يموت
قاله الضابط: يخرب بيتك، لك هي تالت مرة هالشهر عم تطلب مني إجازة وكل مرة بتقول أنو جدك رح يموت
قام قاله الجندي المحشش: أيه و الله يا سيدي، و أنا كمان بلشت شك إنو جدي عم يكذب
-----------------------------------------------------------------------------------------------------------------------------------
تنين حشاشين قاعدين وعم يحكوا..
قال الأول: “والله مبارح مرتي قالتلي يا رجال تاكل سندويشة شاورما؟ قلتلها إيه، والله قمت لبست عاسريع، وهي فاتت على أوضتها تلبس، نص ساعة ومشينا. وصلنا لعند بياع الشاورما وعم نستنى دورنا، ما بلاقي غير بيطحش نمر لا سائل عن الدور ولا شي، وبيقله معلم “تنين جاج سمّون”. جن جناني، مسكتلك هالنمر من أدانه، وفتلته فتل بالهوا، وزتيته بالشارع مشان يتعلم النظام واحترام الدور.
ما في دقيقتين، بيطحش فيل، “قنينة عيران تسلملي عينك”، ما تحمّلني عقلي، مسكته، سحبته عل شارع، ونزلت فيه قتل إدام الناس كلها، وأنا عم أشرحله أهمية احترام الدور، وإنه إذا مستعجل ما بيصير ياخد دور غيره.”
….صاحبه المحشش التاني ضل ساكت، ساكت، بعد شي خمس دقايق، قاله: “العمى بقلبك على هالسحبة… في مرا بتخلص لبس بنص ساعة ؟”
--------------------------------------------------------------------------------------------------------------------------------------
قال الأرنب كان قاعد عم ينط بالغابة بسعادة وعم يغني “يوبي… يوبي…”، بيمرق بيلاقي هالزرافة عم تلف سيجارة حشيش وبدها تدخنها
بيطلع فيها الأرنب، وبيقلها معقول يا زرافة بدك تحششي، شوفي الطبيعة حواليكي، شوفي الأشجار، تعي نركد سوا بهالطبيعة، قالتله الزرافة إيه والله
وبلشوا يركدوا سوا “يوبي… يوبي…”
بيلاقوا عالطريق الفيل، مادد خرطومه وبده يسحب سحبة بودرة، بيقله الأرنب، معقول يا فيل، انت بوسط الطبيعة وأصوات زقزقة العصافير، بدك تشم، تعال نركد سوا أنا وياك والزرافة ونتمتع بالطبيعة، قاله الفيل إيه والله
وبلشوا هل أرنب والفيل والزرافة يركدوا سوا “يوبي… يوبي…”
بيوصلوا لعند النمر وهو حامل إبرة مخدر، بيقوم بيقله الأرنب، معقول يا نمر بدك تتعاطى وانت بقلب الطبيعة الأم، شوف الشجر حواليك، شوف العصافير، تعا نركد سوا كلنا
بيمسك هالنمر إيده، وبيخبطه للأرنب على وشه بيجيبه بالشجرة ميت.
بيطلعوا فيه الحيوانات مدهوشين. بيقلهم: “يخرب بيته ، كل ما بده ياخد حبة حشيش، بده يركد الغابة كلها وراه”.
--------------------------------------------------------------------------------------------------------------------------------------------------------------------------
كان في واحد ماشي بالصحرا
آم طلعله نمر وهجم عليه، هداك الزلمة غطا وشه بإيديه وبلش “بسم الله، بسم الله، بسم الله…”
رفع إيديه عن عيونه بعد كم ثانية، لقى النمر حاطط إيديه “بسم الله، بسم الله، بسم الله…”
قاله: فهمنا أنا خايف عم سمي بالله، إنته شو صاير معك؟
قاله النمر: أنا بسمي قبل ما بلش أكل
آم طلعله نمر وهجم عليه، هداك الزلمة غطا وشه بإيديه وبلش “بسم الله، بسم الله، بسم الله…”
رفع إيديه عن عيونه بعد كم ثانية، لقى النمر حاطط إيديه “بسم الله، بسم الله، بسم الله…”
قاله: فهمنا أنا خايف عم سمي بالله، إنته شو صاير معك؟
قاله النمر: أنا بسمي قبل ما بلش أكل
بارك الله فيك
مشكوووووووور
والله حلوين
شكراااا حبيبنا