شغلات صغيرة كتير بس هي الاساااااس

بحبك بعشقك بتنفسك بهواك .. .الخ )))

يمكن

الحب

بمفهومة التقليدي هوا كلمة بحبك .. قلب احمر بيطلع منو سهمين بحرفين انجليزي ..


يمكن اكبر بكتير بصير تيلفون .. اهتمام .. غيرة .. قرف ع ما تطلعي ما تنزلي البسي وماتلبسي .. اصلو بحبها ..



طيب انا ما بدي تحبيني ... انا بدي بس اخبيلك بجيبتي شوكولاتة .. ونلتقي .. تركضي زي طفل ازغير اتفتشي بجيبي ع الشي اللي مخبيه الك ..



انا ما بدي احكيلك بحبك بس بدي اول متصحي الصبح تصحي ع صوتي .. ولما تنامي اكون اخر واحد تسمعي صوتو ..



مابدي احلفلك بالسما والارض وحياتي وحياتك اني بحبك .. بس بدي تفيقيني شي مرة من نومي وتبكي تبكي كتير زي طفل ازغير خايف من الليل .. خليني اكون جنبك واطمنك واقلك شفتي ما في شي من اللي اتخيلتيه ..



مابدي تحبيني او احبك .. بس خليني اكون ارفيقك .. اشكيلي من فلانة وعقد فلان .. احكيلي عن هاديك البنت المهووسة بالشب هاداك .. احكيلي عن هاديك الست اللي بتكرهيها .. ما حَ ملّ منك .. بس حنبسط وانا بشوف ضحكات عيونك وانتي بتشوفيني بسمعك ..
ححس قلبي بيرقص وانا بشوفك فرحانة حتى ولو اني اكتر شي بكرهو اسمع هيك كلام ..



ماحقلك اني اتغيرت عشانك .. بس اكتر شي بكرهو وانتي تحبيه هوا

السوق