قوانين المنتدى بقلم حشاش

قوانين المنتدى

شوف يا بابا شوفي يا ماما

قالو بركان قولنا فيضان قالو فرمان قولنا مهرجان يالي مشفتش

منتديات طول السنه تعال هنا وشوف الروشنه

بنحب كل الناس والناس بتحبنا ولا احنا زي حد ولا حد زينا

نبدا بشروطنا علشان نلم الليله دى ونروح بيوتنا

ايه ياعم أنت حتسرح من اولها خليك معايا وركز يابرنس مضيعناش معاك

بص يابنى هالله هالله عالجد والجد هالله هالله عليه

1-

اصلا احنا مفيش عندنا لاشروط ولا نيله ..احنا يابنى ماشين بالبركة

وبنحب بعض وعلى رأى المثل حب لأخيك ماتحبه لابن خالتك

2-

تفكر تتنط نزعل منك ونروقك تقعد مؤدب نحبك ونظبطك

3-

خليك فريش علشان وشك ميتكرمش

4-

حب ما تعمل علشان تعمل ما تحب متسألنيش عن معناها علشان معرفش

5-

منتدانا ده بيزوروه مزز كتير .. فبلاش معاكسه وحياة ابوك وخلينا ف السليم

6-

متزعقش بعد الساعة 1 باليل في راجل في العماره الي قدامنا كبير وابوه في المباحث وحيات ابوك متعملناش قلق

7-

اعمل الي أنت عايزه الا انك تبيع ممنوعات هيروين - بانجو - كبتشينو( حشيش يعني ) وخود بالك الناسي بيعدوا من هنا كتير

8-

دى مش قوانين يا مان انا قلتلك مفيش عندنا اي قوانين وعيش يا مان وأديها تطنيش

9-

يا عمي زهقت وانا بتكلم معاك سجل يا عم وخلصنا انت هتقرفنا عشان أكونت

انجز بقى وفكنا من الدوشه دى بلا قوانين بلا بطيخ

ومع منتدايتنا مش حتئدر تسيب النت