قصة محشش ما حدا فهمان

قصه على لسان محشش

.....المحشش: كان ياماكان في قديم الزمان

كان فيه سبع كبييييييير مره وشراني

كان يمشي في الغابه ويأكل من حشائش الارض المزهره ...

رجل يستمع القصه : يالحبييييييب .. تاكد هو سبع ولا حمار ....

بعدين وش حشائش مزهره مسوي فيها مثقف .

شف هي وحد من الثنتين ..

يا انك خبل ولا انك خبل .. اختر انت عاد ..!!

المحشش : المهم .. وبينما السبع يمشي .. وقف عند سوبر ماركت ..

وكان اللي يبيع فيها الفيل ابو زلومه .. فنظر اليه السبع بكبرياء وقال له:

اعطني ميرندا ياهذا ...

فقال الفيل : اتريد ميرندا فراوله ام ميرند حمضيات .....

فتبسم السبع وقال : لقد اضحكت بطني ياهذا .. الا تعلم ان الميرندا فراوله

هي شراب الملوك والعظماء وان الغابه تزهر بالفراوله اللذيذه ..

هيا اعطني ميرندا حمضيات

فضحك الفيل ضحكة اهتزت لها جنبات المكان وذهب مهرولا لإحضار السفن اب ......

المهم اخذ السبع الببسي وغادر المكان على عجل ..

لكي يبحث عن فريسه جميلة الوجه ..

وممشوقة القوام لها عينان جميلتان..

الرجل : الرشف يالخبل .. الخرابيط الاوله بنمشيها لك ....

لكن بالنسبه للفريسه هذي عاد قويه ..

هو يبي الفريسه عشان ياكلها ولا عشان يكشخ فيها ..

اقول .. خلك رجال احسن لك .

المحشش : المهم .. ان السبع لقى ارنب صغير يتنطط في ارجاء الغابه ..

ويمرح بين الحقول

الرجل : حشا ... فار هذا مو ارنب

المحشش : فتقدم اليه االسبع بثقه

كأنه سفينه تختال في رمال الصحراء الحارقه ....

الرجل : اقول . تحمدوا الله على نعمة العقل بس

المحشش : فقال السبع للارنب .. مارأيك ان اشاركك اللعب ياصغيري !!!.؟؟

فرد الارنب بدهاء يفوق الوصف ويدل على ذكاء الارنب:تريد ان تلعب معي .. عادي لي الشرف

العظيم

الرجل: اي والله ذكاء .. لكن وش نقول ..

انت شف من يتكلم واعرف ان الموضوع كله عفسه

المحشش : فقال السبع والشرر يتطاير من عينيه ..

مارأيك ياصغيري ان نلعب عروسه وعريس ...

وآخذ انا دور العسكري وانت تأخذ دور الحرامي

الرجل : لا والله الغابه الزينه .. اذا كان هذا هو ملك الغابه كده اجل الباقين وش بيصيرون

المحشش : المهم .. طلب السبع من الارنب الصغير ان يختبئ في مكان .

لكي يبحث السبع عنه . وكان السبع مبيت النيه على التهام الارنب ...

المهم .. ذهب الارنب وتخفى وراء احدى السيارات ...

الرجل : الله يغربلك.. وش هالغابه ..

لكن الشرهه ميب عليك

الشرهه على اللي جالس يقراك اللين اللحين

المحشش : وكان السبع مغمض عين ومفتح عين ..

عشان يشوف وين سوف يختفي هذا الارنب ...

وعندما بدأت اللعبه اخذ السبع يمشي وكانه يبحث عن الارنب المكار ..

وهو يعرف مكانه .. وجاء السبع من خلف الارنب لكي يلتهمه على عجل

دون ان يلحظ الارنب ذلك .... .. وعند هذه اللحظه ..

قفز الارنب المكار قفزه مدويه ..

وباغت السبع بهجوم مضاد ليس له مثيل ..

ولطم السبع على وجنته .. فأخذ السبع يهرب مهرولا ..

والارنب كافخ وراءه .. والسبع يهرول.. وكأن على رأسه الطير..

والارنب .. وراه ماسح طبلونه ...

وثب الارنب علىالسبع من الخلف .. حتى ارداه ارضا ......

وعندها التهم الارنب السبع .. وخلص الغابه من شروره ..

وعاشت الحيوانات .. في فرح وسرور ..

الرجل : أنا الغلطان اللي اسمع

????????????????

بالله عليكم - فهمتم شي ... اللي فهم شي يكتبلنا في التعليق