التم المتعوس على خايب الرجى؟؟؟؟؟؟؟؟؟
بسم الله الرحمن الرحيم
لقيت الفانوس مرة ودعكته طلعلي عفريت… شبيك لبيك
قلت أنا للذل باي وودعته وللعفريت هاهريك هاهريك
قالي هأوأو يا ابن الإنسان دانا عفريت مارد بن جان
ما يهمني مكان ولا زمان واطلب وأنا عندي البرهان
*****************
أناعاوز قمح زُرع في مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومي بدون تبذير
وانتخابات من غير تزوير ورئيس سابق أشوفه كتير
*****************
عاوز في بيتي شيكارة دقيق وتبرير مقنع لأي حريق
ومجلس شعب بدون تصفيق وفي كأس العالم لينا فريق
وأكلة كباب مشوي على السيخ مع عيالي في شرم الشيخ
وأشرب في القسم عصير بطيخ وأخرج سليم بدون تلطيخ
ونفسي الضحكة ترجع تاني ورصيف للمشي أنا وخلاّني
وجنيه مصري زي البراني يشترى حتة لحمة ضاني
*****************
رد العفريت عليا بغشم وقال يا مصري ماكنش العشم
بص.. أنا ممكن أشيل الهرم وأسدلك الأوزون اللي أتخرم
وأرجعلك الأكل اللي اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بني ومدروس إنك تعيش على طول موكوس
وأحنا بناخد منكوا دروس إزاي يبقى الجن متعوس
ويا ريت ترجعني تاني الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس
(نحنا بهيك حالة منقول التم المتعوس على خايب الرجى ههههههههههه 
)
تسلم ايدك
هاد اكيد عم يحلم ليطلب هيك طلبات
ظريف وحلو كتير هالموضوع
الله يسلم إيديك
والله يا عمي التم المتعوس على خايب الرجى
يعطيكي ألف عافية
بانتظار جديدك يا غاليتي
شكراااااااااااااااااااااااااااا
الك