مشاكل منوعة..

السلام عليكم ورحمة الله وبركاته
انشالله الكل بخير وسعادة ... و أما بعد
يا جماعة أنا قصتي قصة وحكايتي حكاية .. ورح أبدأ بالمشكلة الأولى و هي برنامج كرت الديجيتال ((prog DVB))
من فترة هالبرنامج صار فيه مشكلة و ما عرفت لها حل و هي أنو صاير كل ما أفتحو بيشتغل شي 2 أو 3 دقايق و مجرد تغيير أي قناة أو اختيار أكتر من قناتين أو 4 قنوات بيفصل البرنامج و بيختفي فجأة دون أي انذار سابق يعني إذا تركتوا شغال على قناة وحدة بيشتغل و بس غيرت القناة و اخترت قناة تانية أو تالتة يتسكر البرنامج و كتير من الأحيا بتظهرلي رسالة بتقول (( ارسال أو عدم الارسال )) مع العلم أني نزلت أكثر من 5 اصدارات من برنامج البروغ دي في بي و ما انحلت المشكلة حتى أني فرمتت الجهاز مشان هالمشكلة 3مرات خلال يومين و كمان نفس المشكلة .

والمشكلة الثانية هي لعبة Need For Speed )) المعرفة من قبل الجميع و بالتحديد الاصدار ((UNDER COVER))
هي اللعبة لما نصبها على الجهاز بتزل و ما في أي مشكلة وبس ينتهي التنصيب بشغُل اللعبة فتظهر الرسالة التالية و هي (( /تعذر تحديد موقع المكون/ فشل بدء المكون الحالي لتعذر العثور على d3dx9_34.dll قد يساعدك إعادة تثبيت التطبيق في حل هذه المشكلة .
يا جماعة هي اللعبة أنا نصبُتها على أكثر من جهاز غير جهازي و كانت تشتغل تمام دون أي مشاكل مع العلم أني نزلتها من نفس السيدي و اشتغلت على كل جهازين إلا على جهازي عم يعطيني الرسالة نفسها مع العلم أني كمان فرمتت الجهاز و المشكلة عم تنعاد نفسها نفسها حتى اسم الملف نفسو مع أني غيرت نظام التشغيل كتير و ما مشي الحال ..
بتمنى كل مين قرأ الموضوع يهتم فيه و يعطيني الحل المناسب لأنو صار معي عقدة نفسية من هالقصة و ما لقيتلها حل
أنا أملي فيكم كبير و أرجو المساعدة . عطوني رأيكم إذا كان حل fdisk منيح ولا لاء..
سلام عليكم