قصيدة شعرية حمصية بحتة تتغنى باليبرق ( ورق العنب).......
قصيدة
شعرية حمصية بحتة
تتغنى باليبرق يلي هوي( ورق العنب)
يبرق مع العصاعيص يا حبي
تحتك دهن وشرحــــات متخبي
والتوم نيفا انسـاب واتسوسح
والريحة آاخ , ولي على قلبي
والزفرةعم تلمع على خــدودك
اي أبوس روحك على قولــة الحلبي
والمرقة عم تنضح بحامضهــا
وعم ينقف الهبّال على عصبي
وكم يبرقاية اتفزرّت واتسقسقت
وانبحتت الرزات على دربــــي
يا يبرق الأحرار كرمــــالـك أنا
بفخر بكوني مواطنٌ عربــــــي
جايةعبالي قول: أنـــــا بحبك
بكل اللغات الشرقي والغربي
يلله استوي وحققلي أحلامي
قد داب قلبي في لظى اللهبِ
لقد استوى يا فرحتي وسـعدي
ياعمري ويا أنسي وَ يـاطربي
هاتـــوا الخبز والطنـجرة كلهــــا
وبعدولي مــــــــا بدي حدا جنبي
لا خيِّ لا أختي لا جدي لا ســـــتي
لا عمي لا عمتي لك لا أمي لاأبي
عم أمضغ العصعوص واليبرق سوا
شو هالنعيم هــــادا يــــاربـــي
اذا رحـــت فيهــــا بـــــعـــد هالأكلة
ذنبك يـَأمي هادا ......... موذنبي
laugh1laugh1laugh1laugh1
22