كرسي الاعتراف لهذا الأسبوع مع المستشار ابو الريم .... الدعوة عامة ,,,

:taksheer:

شو أكثر رياضة بتحبها ؟؟

السباحة

أي اكثر مادة بالدراسة بتحبها ؟؟

الرياضيات وحالياً البرمجيات

أي اكثر مادة كنت تكرهها ؟؟

الفلسفة

شو بتحت تسمي ابنك يعني انت أبو شو ؟؟

ابني ان شاء الله على اسم الوالد ( محمد ) ,

بس بحب ينادولي أبو الريم ( يعني ان شاء الله رح نسمي ريم كمان )

الله يرزقنا الخلفة الصالحة للجميع

شو أكثر شيء بيزعجك بهل المنتدى من جميع النواحي ؟!!!

الصراحة أخي محمد في أعضاء متل دكاترة الجامعة بهاي الأيام ...

وكأن الموضوع حمل على ظهره , وبس ينزله , وكيف ما كان ...

يعني بس يخلص من هالحمل الثقيل , طبعا هاد من ناحية تنزيل المواضيع

...

شو أكثر شي بيعجبك بهل المنتدى

الأعضاء المتميزين أمثالك , اللي الله يعطيهم العافية على جهودهم

وعلى مواضيعهم اللي كلها ثقة

صمت 6 أيام من شوال ؟

الصدق ,, لأ , الله يهدينا

...

بس حاجة ما في اسئلة بمخي

اي منيح خلصوا

لك وين الشباب تاركين ابو الريم لحالو هون
أبو سمرة أترك الشباب بحالهم
أنت فيك البركة
عمي رامي كم سؤال عالماشيء
يعني كم سؤال بس ؟
شيء تتمنى ا ن تراه في المنتدى ؟.
الاحترام المتبادل بين الاعضاء , والمودة والحب
والحمد لله موجودين كلهم
شيء تتمنى ان لا تراه في المنتدى ؟.
المشاركات اللي مالها طعمة
وما بعرف بجوز في ألي هيك مشاركات
يعني غيري بيحكم أكيد
عضو تتمنى ان لا يخرج ابدا من المنتدى ؟.
عضو واحد بيعرف حاله
عضو تتمنى ان لا يدخل ابداً إلى المنتدى ؟.
لأ ,, مافي حدا , بتمنى الكل يفيد ويستفيد
شيء تتمنى ان تراه كل يوم ؟.
الاحترام والألفة والتعاون بين الناس
اكثر نوع من انواع الطعام تفضله ؟.
البطاطا
اسم تحب ان تسمي به ولد وبنت ؟.
محمد ,, ريم

أحب كلمة من الأشخاص المسيء ألهم لا سمح الله
أو المسيئين ألي كمان لا سمح الله
هي كلمة : الله يسامحك

وأحب كلمة من أمي وأبي
هي كلمة : الله يرضى عنك

أحب كلمة من صديقي ولصديقي
هي كلمة :أنا معك على الحق

..........

أهلين أخي

الكنية عمي ابو الريم
ايوا يعني متل ابو الريم بس ابو شو ( مثال : ابو تراب ) فهمت شو يعني
أبو سمرة من الأول فهمان عليك ,, بس أنا مابدي أحكي
مو مشكلة شوية اسئلة قبل النوم
أي كمان مو مشكلة

مين صاحبك الديراني كيف تعرفت عليه ؟...
اسمه علاء ,, تعرفت عليه بجامعة تشرين

كيف كانت طفولتك ؟...
بذكر أني كنت طفل خجول ويغلبني البكاء دائماً
في أغلب المواقف ...

احكيلنا شوي

مواقف طريفة تتذكرها إلى الآن ؟.

مرة كنت راكب بسكليت ومعي 2 أصدقائي معهم بسكليتات ,
واحد خلفي , وواحد أمامي , صرت أحكي مع صديقي اللي ورايي , واطلع شوي لقدام , وفجأة , اصطدمت ... خليها بلا ما نحكي

وأحلى شي laugh1laugh1laugh1 كنت رايح زيارة وقت المغرب
لعند خالتي, ومعي خبزة , سندويشة , وكنت نسيان أنه عندهم كلب ولييييي laugh1,, أنا وصلت الباب وما شوف ألا صار الكلب يعوي وأجاني الكلب , أنا هربت وصرت أصرخ ع أبن خالتي حتى سمعني :wli:, وقلي تعال ادخل , انا قربت مرة تانية وهجم عليي الكلب , صده ابن خالتي بس ما سكت , حذرك ليش كان عم يهاجمني ويعوي , كان بده الخبزة laugh1laugh1laugh1, وبعدها ع سلامة كمان والحمد لله
-------------

بتحب تلعب بالثلج متلي ؟..
أي متلك

شو رأيك بالتنكلوجيا في هذا العصر ؟...
شيء رائع , ومفيد , وبحاجته بالطرق الصحيحة
لأن المشكلة مو بالتكنلوجيا , المشكلة بالعقول اللي عم تستخدم هالتكنلوجيا...
نصيحة لمن يستخدمها من الأعضاء
هاي التكنلوجيا نعمة لا تقلبها لنقمة ...




بكفي خليها وجبة خفيفة
أي لازم تكون خفيفة لأنها قبل النوم laugh1

بكرة برجع لا تواخذني ابو الرييييم

له يا أبو سمرة الله يسامحك
مية سؤال وسؤال هلا وغلا

اهلين ليش طولت لجاوبت
متل ما بتعرف كان المنتدى ما عم يشتغل والنت عندي ديل آب بطيء

مو مشكلة بس ليش ما جاوبت على سؤال شو كنيتك ( ابو ..... ) فهمت يعني ولا كمان وضحلك
أبو الريم قصدك , ولا غير

كيف تعرفت عالمنتدى ؟..
من برنامج الأدوات السرية اللي حصلت عليه من
صديقي الديراني

ليش اخترت اسم الجود في التسجيل ؟..
شيء بخصني

اول موقع سجلت فيه وليش ؟...
موقع طه سوفت , وهو أول وأهم موقع بعرفه على الأنترنت

شيء لا تحبه في المنتدى ؟.
كتابة المواضيع اللي فيها أخطاء كتابية ,
وكأن العضو عم يكتب الموضوع وهو نايم أو ... , بس محدا يزعل , مافي زعل ...

عضو تفتقده ؟..
الأخ سعيد (سيدرا)

عضو تحبه كثيييييييييرا ؟.
والله يا أبو سمرة سؤال صعب
الصراحة كتيرين , بلا ذكر أسماء
حتى ما يصير زعل

في وجبة تانية
شو نوعها هالمرة

بس وين الشباب

شو يلي حاج هيك
لا تتدلل انت ضيفنا ولازم نتوصى فيك منيح
أي توصى منيح

كم سؤال عالماشي كمان
أي منيح عالماشي

شو كنيتك ( أبو شو يعني )
شو قصدك

بتحب تلعب شدة ولا شطرنج
أكيد شطرنج

اذا بتعرف تلعب شطرنج مليح اديه بدك لتهزم لاعب مبتدئ
هو بس يكون سريع باللعب, وقتها ما بيطول ضدي أبداً
ان شاء الله

اكثر شخص احببته طبعاً من خارج المنتدى والأهل
قصدك من دون المنتدى والأهل
صديق عزيز على قلبي حقاً وهو من عندكم من داريا

حادث طريف حصل معك تحب ان تخبرنا به
أي والله طريف laugh1 هاي بزمناته يا غالي , بالجامعة و قبل بدء المحاضرة بـ 10 دقايق , كنت عم ناقش صديقي بمسألة رياضية , وبعدها احتدم النقاش , و تشاركنا النقاش مع بنت شاطرة على أساس
اي طلعوا الاثنين صديقي والبنت مو فهمانين شي
خلوني عصب وصرت أصرخ بصوت عالي , وفجأة دخل الدكتور وما شفته , وأنا عم أصرخ
فوراً صحلي , وسألني شو في ....... وأكلناها :wli: بس خفيفة ....

شيء مؤلم حصل معك تحب ان تخبرنا به
كمان مؤلم بالنسبة ألي بالصف الخامس :taksheer: بالفرصة , واقف بالباحة وفجأة بنت من خلفي تصطدم فيي برجلي وعلى الأرض مباشرة يا حرام , وفوراً صارت تصرخ كسرتلي سنيني ,
أنا مالي علاقة , هي السبب والمتسبب , وفعلاً وقتها انكسروا سنيين أماميات , وفوراً أبو الريم انطلب على الادارة
والحمد لله كانت ع سلامة
بكفي هلأ

أي وليش مو على طول

عمي رامي
أهلين أبو سمرة
كم سؤال عالماشي
أي تفضل
عضو التقيته
ألتقيت بالأخ زهير لمدة ساعة أو أكثر مابقى أتذكر
عضو تعرفه
شو قصدك
عضو تحب ان تلتقي به
أبو سمرة , كتاكيتو عمنا أبو محمد ,وأكيد بحب ألتقي بكل الشباب الطيبة ...
عضو تتمنى ان لا تراه ابدا
خليها بلا مشاكل
عضو تحس انه عضو في المنتدى ولا نستطيع الاستغناء عنه
زهير طه , النشواتي , سيدرا ,
وفي كتيير أعضاء بيعرفوا حالهم ...
عضو أحببته من اسمه
والله في كتيير اسماء حلوة ... وأصحابها معروفين
بكفي في وجبة تانية وبترك للشباب دور

بس ما تكون دسمة

أهلاً بمستشارنا الغالي

أهلاً أخي محمد

شو الاسم الثلاثي ؟

رامي محمد ؟؟؟؟؟

مواليد عام ؟؟؟

1987

دارس حتى ؟؟

حالياً جامعة على أبواب التخرج

معي شهادات ؟؟؟ شو هي ؟؟

أي شهادة تاسع لأن بوقتنا كان ألها قيمة , ثانوي علمي , وان شاء الله عن قريب شهادة جامعية بفرع الرياضيات

متجوز ؟؟؟كم ولد / بنت ؟؟

لأ

تستمع أغاني ؟؟

كنت بالماضي , بس حالياً الفضل لله لأ

تقرأ القرآن بشكل يومي ؟؟ أو اسبوعي أو شهري ؟؟؟

بشكل يومي قليل , بشكل أسبوعي أي ,
والله يهدينا للأفضل

اللهم

اجعل القرآن العظيم ربيع قلوبنا

من أكثر الشيوخ تستمع له وبتفضله ؟؟

الشيخ محمد العريفي

تستمع أناشيد دينية ؟؟ لمين ؟؟؟

أي , بلا لمين معروفين

شو العمل ؟

طالب وقت الدراسة , وأعمال حرة بالصيف

شو أكثر الامنيات يلي بتتمناها ؟؟؟

أتمنى أن أقيم في مكة المكرمة

وين ساكن بالتفصيل الممل

ليش بدك تجي تزورني

محافظة ادلب >> مدينة ؟؟؟؟؟ >> الحي الشمالي

وبس حاجة بس ادخل مرة تانية اذا لقيتك عل الكرسسي بسألك

أهلين وسهلين